Superliga Europiane është çështja që po merr gjithë vëmendjen e medieve sportive dhe po shkruhet e flitet pafund për të. Së fundmi ka folur CEO i Bayern Munchen, Karl-Heinz Rummenigge, që ka treguar se Bayern është kundër dhe pse.
“Bayern Munchen nuk mori pjesë në planifikimin e Superligës Europiane. Jemi të bindur se Champions League në futboll garanton një bazë të besueshme. Nuk mendoj se Superliga do të zgjidhë problemet financiare të klubeve evropiane të shkaktuara nga Covid-19.
Të gjithë klubet në Evropë duhet të punojnë së bashku për të siguruar që pagat e lojtarëve dhe tarifat e agjentëve të rregullohen me të ardhurat në mënyrë që ta bëjnë futbollin evropian më racional”, u shpreh CEO i Bayern Munchen.
