DJ i njohur Vin Veli është në një lidhje dashurie prej dy vitesh me një tjetër vajzë, pas ndarjes nga moderatorja Bora Zemani, me të cilën ka edhe një djalë, Arborin.
I ftuar në ‘Dola te Ola”, Veli tha se prej dy vitesh ndodhet në një marrëdhënie, por partnerja e tij nuk ka dëshirë të bëhet publike, pasi nuk i përket fushës së artit apo medias. Ai shtoi më tej se ajo është pjesë e juridikut dhe për momentin nuk jetojnë bashkë, por që shpreson që në të ardhmen kjo gjë të ndodhë.
“Jam në një lidhje prej dy vitesh. Nuk e kam bërë publike. Ajo nuk është pjesë e fushës së artit apo medias. Është pjesë e juridikut dhe për momentin nuk jetojmë bashkë. Shpresoj që në të ardhmen të ndodhë kjo gjë,”– tha Veli ndër të tjera.
Veli ka më shumë se tre vite që është ndarë nga Bora Zemani e cila tashmë është në një lidhje me moderatorin dhe aktorin Donald Veshaj.
