VIDEO/ Sulmi me thikë te xhamia e rrugës së Kavajës, momentet e arrestimit të autorit

Publikohen pamjet nga ngjarja e ndodhur te rruga e Kavajës në Tiranë, ku Rudolf Nikolli, 44 vjeç, sulmoi me thikë 5 persona.

Autori i ngjarjes së rëndë fillimisht u neutralizua nga disa besimtarë dhe më pas në vendin e ngjarjes ka shkuar policia.

Kjo e fundit përmes një njoftimi zyrtar, thekson se një person është futur në ambientet e një kulti fetar (xhami) dhe ka plagosur me mjet prerës 5 shtetas.

Policia ka neutralizuar dhe arrestuar autorin e ngjarjes, që është shtetasi Rudolf Nikolli 34 vjeç, nga Burreli.

Tiranë/Informacion paraprak

Rreth orës 14:30, në Rrugën e Kavajës, një shtetas është futur në ambientet e një kulti fetar (xhami) dhe në rrethana ende të paqarta ka plagosur me mjet prerës 5 shtetas.

LEXO EDHE  Ndryshimi i kufijve në Ballkan, analisti: BE po përgatit një “non-paper” të ri, ja çfarë përfitojnë të gjitha shtetet e përfshira

Falë reagimit profesional dhe të menjëhershëm të shërbimeve të Policisë është bërë i mundur neutralizimi dhe prangosja e autorit të dyshuar, shtetasi Rudolf Nikolli 34 vjeç, nga Burreli, i cili po shoqërohet në ambientet e Drejtorisë Vendore të Policisë Tiranë, për veprime të mëtejshme.

Ndërkohë, shërbimet e Policisë iu kanë dhënë ndihmën e parë shtetasve të lënduar, të cilët janë transportuar në spital, për ndihmë mjekësore dhe ndodhen jashtë rrezikut për jetën

Në vendngjarje ka mbërritur grupi hetimor dhe nën drejtimin e Prokurorisë vijon puna për sqarimin e rrethanave dhe dokumentimin e plotë ligjor të ngjarjes.