Presidenti Ilir Meta akuzoi gjatë konferencës për mediat pasditen e sotme se patronazhistët e PS-së, i ngacmojnë vajzën e vogël. Kreu i shtetit rrëfeu se çfarë i dërgojnë dhe thonë vajzës së tij të vogël patronazhistët e PS-së.
“Patronazhistët më ngacmojnë edhe vajzën e vogël, që e kam pikë të dobët. Para pak ditësh kur dhashë një intervistë, i kishin çuar patronazhistët një lajm që sikur unë kisha sulmuar gruan e zotit Damian dhe ajo më thotë “babi të lutem mos pi më” se i thonë patronazhistët se unë pi shumë dhe humbas qetësinë dhe kontrollin.
“Babi mos pi më të lutem, babi nuk ke pse merresh me gruan e tjetrit”. Jo më të keqen babai i them unë. Ja shikoje dhe më çon lajmin. Kur shikoj lajmin unë, “ta marrë vesh Damiani me gruan e tij”.
Au thashë mos kam bërë ndonjë lapsus, “jo të keqen babai, unë thash Damiani me gurunë e tij, jo gruan e tij dhe marr Tedin (zëdhënësin) se mos kam bërë ndonjë gabim. Kur më thotë Tedi do ta korrigjojmë se është gabim. I thashë shikoje.
Dhe i çojnë gocës vazhdimisht patronazhistët, “thuaj babit të qetësohet, se paska pirë shumë, paska pirë shumë, të jetë i qetë. Të ruaj figurën e presidentit”. Të ruajmë ne figurën kur të gjithë shqiptarët janë në survejim?” tha Ilir Meta.
Ndërkohë edhe gjatë konferencës për mediat, një nga Rilindasit, me një profil fals në rrjetet sociale, i komentoi Presidentit se ka pirë shumë. Nuk dihet nëse komentuesi me adresë false është nën komandën e Erion Veliajt apo Edi Ramës, pasi të dy kanë të angazhuar një armatë njerëzish në rrjetet sociale ku denigrojnë dhe sulmojnë gjithkënd.
