Basha: ‘Taksa Rama’ mbi naftën e ka kthyer Shqipërinë në një ndër vendet me çmimin më të lartë në botë

Kur na ndajnë pak ditë nga zgjedhjet e 25 prillit, kryedemokrati Lulzim Basha, ka renditur, një tjetër nga dështimet, sipas tij, të kryeministrit Edi Rama në këto tetë vite qeverisje.

Në një postim në “Instastory”, Basha thotë se një traktor, paguan çmimin e naftës më të lartë në Shqipëri.

Ai thotë ndër të tjera se “Taksa Rama” mbi naftën e ka kthyer Shqipërinë në një ndër vendet me çmimin më të lartë të naftës në botë.

“5 ditë deri më 25 prill, 100 dështimet e Ramës në 8 vite. Cili paguan çmimin e naftës më të lartë në Shqipëri. Përgjigja një traktor. Taksa Rama mbi naftën e ka kthyer Shqipërinë në një ndër vendet me çmimin më të lartë të naftës në botë”, shkruan Basha.