Ditën e sotme mbërrin në aeroportin e Kukësit “Zayed Flatrat e Veriut” avioni i parë i udhëtarëve, me pasagjerë ata të cilët Kryeministri Edi Rama i ka quajtur si ‘çunat e Londrës që votojnë PD-në’.
Ndryshe nga sa Rama premtoi se udhëtimi do të ishte Londër-Kukës, avioni ka zbritur fillimisht në Rinas, pasi një linjë ajrore Londër-Kukës ende nuk është ekzistuese.
Pasi është ulur në Rinas në avion ka hipur dhe kryeministri Rama, i cili do të zbresë në aeroportin e Kukësit, ku pritet të mbajë një takim elektoral me simpatizantë të Partisë Socialiste.
“Nga Aeroporti “Nënë Tereza” drejt Kukësit në Aeroportin Ndërkombëtar të “Zayed Flatrat e Veriut”, me pasagjerët VIP, çunat çamarrokë të fejsbukut nga Londra”, shkruan Rama në rrjetin social.
