Një tjetër video që tregon se si po shkeljet ligji gjatë fushatës elektorale është publikuar në rrjetet sociale.
Adriana Kalaja, aktiviste, ka publikuar në një FB, një video ku shfaqen disa persona (me gjasë punonjës të Bashkisë Tiranë), të cilët bartin në makinë billbordera me thirrje për të votuar Partinë Socialiste.
Teksa aktivistja filmon, disa prej tyre kyçen në një zyrat e bashkisë për t’iu shmangur kamerës. Aty, fusin billborderat, duke përdorur në këtë mënyrë zyrat e bashkisë në kuadër të fushatës elektorale.
“Fushatë nga Kryeministër dhe ministra që marrin rrogën pa shkuar në zyrë. Fushatë nga Kryetari Bashkisë, me zyrat dhe punonjësit e Bashkisë. Fushatë me taksat tona. Voton dryshimin. Stop kriminelëve. Stop sektit rilindas”, shkruan ajo në postimin që shoqëron pamjet.
Në këtë fushatë, janë disa videot e publikuara në rrjetet sociale e media, që tregojnë se si punonjës së bashkisë së Tiranës, në kundërshtim me ligjin, përfshihen në fushatë elektorale për PS-në.
