Kryeministri Edi Rama i quajti sot zyrat e Kadastrës në Durrës si ferrin e qytetarëve durrsakë. Rama, gjatë takimit me të rinjtë në qytetin brendetar, tha se e ka të qartë dhe e di shumë mirë se jo vetëm në Durrës, por në të gjithë vendin, ka drejtorë që nuk e meritojnë të jenë.
Nuk dihet sepse Rama ka lejuar këta drejtorë të jenë në zyrat e shtetit, kur vetë kontrollon të gjitha pushtetet, nga ai ekzekutiv deri në Bashkitë e vendit.
Rama tha se ne na shtyn përpara pakënaqësia, pasi ne duam të arrijmë majat për vendin tonë.
Duke mos lënë mënjanë akuzat ndaj opozitës, Kryeministri tha se ai zëri që dëgjoni, që ju premton është zëri i mashtrimit, gënjeshtrave.
“Ky zëri që ju dëgjoni herë duket si Haxhi Qamili, herë si Iliri dhe herë si Luli. E keni dëgjuar Lulin ju kur u thotë vetëm martohuni, shpejt bëni kalamonin, se lekët i kam unë. Pastaj thotë se babait të çunit që lind do t´i japi 1000 mijë euro. Pastaj thotë se do të ulë sigurimet, mjafton të votohet PD. Po problemi është gjyshi se ka pensionin e ulët dhe Luli thotë, s´ka problem mo, e bëjmë pensionin sa të dojë”, tha Rama.
