Një nga grevistët e protestës së ish-të përndjekurve politikë, Agim Kollçaku është në gjendje të rëndë shëndetësore dhe po merr ndihmë mjekësore.
Greva e ish-të përndjekurve politikë ka nisur në datë 12 prill, ndërkohë mësohet se Kollçaku vuan dhe nga një sëmundje në veshka dhe më parë i është nënshtruar një ndërhyrje kirurgjikale.
Pas 30 vitesh nga mbyllja e tij, ish-burgu famëkeq i Qaf-Barit ku kanë qenë të mbyllur më shumë se 300 të burgosur politik nga regjimi komunist i kohës është rikthyer në qendër të vëmendjes. Gjashtë ish të burgosur politik që kanë vuajtur në këtë kamp pune janë ngujuar në rrënojat e e tij duke zhvilluar një grevë urie për të drejtat që sipas tyre u janë mohuar.
Këta të 6-ish të burgosur politik grevën e urisë e kanë nisur para një jave në Tiranë por policia e shtetit i nxori me forcë nga godina ku ishin ngujuar. Ata udhëtuan drejt vendit ku para 30 vitesh ishin të kyçur pas hekurave për motive politike në Qaf-Bari dhe aty prej 5 ditësh po e vijojnë grevën e tyre.
