Kur janë mbyllur 3 faza kampionat, skuadra e Partizanit mban vendin e dytë në renditje, me vetëm 2 pikë më pak se Teuta kryesuese.
“Demat e kuq” kanë ruajtur një grup shumë të mirë nga sezonet paraardhëse, si dhe u përforcuan gjatë merkatos së janarit. Megjithatë, Daja ka bërë shpeshherë rrotacion, ndikuar edhe nga mungesat apo pezullimet, si dhe nga kalendari i ngjeshur.
Por, strategu 54-vjeçar nuk ka hequr nga formacioni vetëm dy futbollistë: Alban Hoxhën dhe Esin Hakajn. Të dy kanë startuar 27 sfida si titullarë, duke qenë të vetmit që kanë këtë statistikë nga 29 futbollistët që janë pjesë e grupit të Partizanit.
