Kreu i LZHK, Dashamir Shehi, njëherësh kandidat i PD në Qarkun e Tiranës, i është përgjigjur thirrjes së Ramës drejtuar opozitës për bashkëpunim pas zgjedhjeve.
Shehi ka postuar një foti i rrethuar nga disa të rinj, dhe shkruan se edhe në rast se do opozita apo zoti Basha të bëjnë fushatë me PS, ata nuk i lë rinia.
Postimi i Shehit:
Zoti Rama dhe po të duam rinia s’na lë të bëjmë bashkëqeverisje me ty !
Prej 2 ditësh Edi Rama, I gjendur përballë mullarit të dështimeve ka rikthyer tezën e bashkëpunimit në qeveri mes PS dhe PD. Kryedemokrati Basha edhe në emrin tonë të ktheu përgjigjen e merituar, por ja ku po ta them se edhe po të ishte dakort Basha, unë apo kushdo në politikë në kampin tonë, nuk do ishte dakord rinia jonë, e cila nuk ta fal që për tetë vite I mbajte peng të ardhmen. Sot pata një takim entuziast në Selitë me një grup të rinjsh, të cilët ditë e natë po punojnë për fitoren plebishitare të 25 prillit. Madje vrulli I këtyre djelmoshave, do bindë dhe patronazhistët socialist të votojnë altenartivën tonë, e cila I premton rinisë rikthimin në normalitet të shtetit ligjor dhe hapjen e perspektivave të reja për ta. Emigrimi nuk do jetë alternative e duhur për ta, por do bëjmë të mundur që Shqipëria të jetë vendi ku ata duan të ndërtojnë të ardhmen. Djemtë e Selitës dhe mbarë vendit zoti Rama do ti kesh në ballë të ruajtjes votës, pasi përmes votës lirë, do t’I rikthejmë dinjitetin vendit.
