Partizani do të luajë të shtunën kundër Kastriotit, ndeshje e vlefshme për javën e 28-të të Superiores.
Fillimisht u përfol se të kuqtë do të prisnin krutanët në “Selman Stërmasi”, por së fundmi klubi kryeqytetas ka zyrtarizuar axhendën.
16-herë kampionët e vendit kanë zgjedhur “Air Albania Stadium” për t’u përballur me ekipin e trajnerit Ramadan Ndreu.
Përmes një postimi në kanalin zyrtar bëhet me dije që ndeshja Partizani – Kastrioti do të zhvillohet ditën e shtunë, në orën 16:00 në stadiumin modern.
