Këngëtarja, moderatorja dhe biznesmenia, Rozana Radi është shumë aktive në rrjetet sociale.
Së fundmi Rozana i ka dhënë mundësinë ndjekësve të saj në Instagram të bëjnë pyetjet që dëshirojnë. E pyetur se çfarë i mungon më së shumti, Rozana u përgjig, duke iu referuar ndarjes së parakohshme nga jeta të prindërve të saj.
“Do ta thosha por fatkeqësisht s’do e ndryshoja realitetin. Kam dhe unë pengjet e mia. Jeta më ka mësuar të jetoj me mungesa njerëzisht të dashur”.
Më pas, ajo publikoi një foto të familjes së saj dhe shkruan se për sa kohë t’i ketë në krahë, asgjë tjetër s’do t’i mungojë në jetë: “Kjo është familja ime! Sa të kem Zotin para dhe familjen s’do më mungojë asgjë tjetër në jetë”!
