Një 54-vjeçar është gjetur i pajetë në aksin Tiranë-Ndroq të Martën, njoftoi këtë të Mërkurë policia e Tiranës.
Sipas burimeve zyrtare nga policia, dyshohet se viktima është përplasur nga një automjet, që më pas është larguar.
“Më datë 13.04.2021, në rrugën Tiranë-Ndroq, në fshatin Varosh, është gjetur pa shenja jete shtetasi S. M., 54 vjeç. Dyshohet se mund të jetë aksidentuar nga një mjet ende i paidentifikuar, i cili është larguar nga vendi i ngjarjes”, thuhet në njoftimin e policisë.
Të njëjtat burime shtuan se po punohet për identifikimin dhe kapjen e autorit, ndërsa materialet i kaluan Prokurorisë së Rrethit Gjyqësor Tiranë, për veprime të mëtejshme.
