Familja socialiste e zhgënjyer nga Rama, takon Bashën: Më gënjyen për legalizimet

Kreu i Partisë Demokratike, Lulzim Basha, ka vizituar një familje të zhgënjyer nga qeverisja e Partisë Socialiste në Durrës.

Kryefamiljari i tha Bashës se ka vite që ka qenë pjesë e PS, por është zhgënjyer.

“Ka vite që jam socialist dhe kam kontribuar jashtë mase. U zhgënjeva jashtë mase për legalizimin e shtëpisë,” tha ai.

Kreu i demokratëve u shpreh se ka kërkuar ndjesë që në vitin 2013 për çështjen e legalizimeve që nuk u mbyll dot nga qeverisja e djathtë. Basha shton se Rama erdhi pikërisht me premtimin për legalizime falas dhe nuk e mbajti.

Kryedemokrati kërkoi votën për PD që sipas tij do të sjellë ndryshimin.

“Problemi i legalizimeve kam kërkuar prej 2013 ndjesë duhet ta kishim mbyllur ne dhe nuk e kam mbyllur. Ky erdhi me legalizime falas. Edhe me këtë nuk e mbjati premtimin. Më 125 prill është dita juaj. Ne kemi ardhur me një plan pune dhe jo me premtime boshe. Besnikërinë në radhë të parë e ke ndaj familjes.

LEXO EDHE  Sa të mbrojtur jeni nga një dozë e vetme vaksine ndaj variantit Delta?

Edhe po të jesh anëtar i PS duke votuar për ndryshimin më 25 prill i ke shërbyer familjes tënde dhe Shqipërisë. Të gjitha ato që ne kemi shpallur janë pjesë e një plani.

Më bëhet qejfi që edhe socialistë të niveleve të larta kanë ardhur dhe kanë thënë do të votojmë për PD, “ tha Basha.