Zhvillimet në Ukrainë, NATO paralajmëron Rusinë

Sekretari i përgjithshëm i NATO-s, Jens Stoltenberg, ka specifikuar të martën se është Aleanca Veriperëndimore dhe jo Moska ajo që do të vendosë rreth anëtarësimit e Ukrainës në organizatën ushtarake.

Një paralajmërim të tillë shefi i NATO-s e bëri duke folur nga Ukraina, në kohën e thellimit të tensioneve mes Moskës dhe Kievit në lindje të vendit.

Qysh nga java e shkuar Rusia ka nisur grumbullimin e trupave përreth territorit kufitar me Ukrainën në Donbas. Veprimet e saj janë kritikuar nga Perëndimi, veçmas Shtetet e Bashkuara të Amerikës dhe NATO-ja, të cilat janë zotuar për t’i ofruar mbështetje Ukrainës.

Si rrjedhojë, Rusia ka paralajmëruar SHBA-në të martën që t’i mbajë luftanijet e saja sa më larg Krimesë, “për të mirën e saj”, shkruajnë mediat e huaja.

LEXO EDHE  Guadeloupe është ishulli i fundit francez që mbyllet në mes të situatës 'katastrofike' të COVID

Kremlini e ka quajtur stacionimin e pritur të tyre në Detin e Zi, si provokim të hapur për ta testuar durimin e Rusisë.

Reagimi i Perëndimit dhe thirrjet ukrainase për përshpejtimin e procesit të anëtarësimit në NATO janë bërë midis përshkallëzimit më të fundit të situatës në lindje të Ukrainës, ku forcat qeveritare janë ndeshur me trupat ruse gjatë javëve të fundit.

Si pasojë e tensioneve, ministri i Jashtëm ukrainas, Dmytri Kubela, u ka bërë thirrje NATO-s dhe Perëndimit që të ndërmarrin veprime të shpejta për parandalimin e përshkallëzimit të situatës në dhunë.