Kryeministri Edi Rama iu përgjigj sot ftesës së kreut demokrat Lulzim Basha lidhur me një debat publik mes tyre për zgjedhjet parlamentare të 25 prillit.
I ftuar në emisionin “Përballë” me gazetarin Lutfi Dervishi, Rama u shpreh se debati publik nuk është traditë e zgjedhjeve shqiptare.
Pse nuk pranoni një debat me Lulzim Bashën?
Rama: S’di të ketë pasur ndonjëherë në zgjedhjet shqiptare debat mes kryeministrit dhe rivalëve përkatës. Nëse është një traditë dhe unë e kam thyer më thoni.
Në fakt debatet publike në politikën shqiptare, mes liderëve kryesorë, pavarësisht se kanë qenë të pakta, ato kanë ndodhur. Kujtojmë këtu debatin mes Fatos Nanos dhe Sali Berishës, i pari kryeministër dhe tjetri kryetar i opozitës.
Rama debatin e vetëm që ka pranuar në gjithë karrierën e tij politike ka qenë ai në vitin 2000, kur kandidonte për kryebashkiak i Tiranës përballë Besnik Mustafaj.
