Ylber Ramadani feston ditën e sotme 25-vjetorin e lindjes. Mesfushori i Kombëtares shqiptare është pjesë e Vejle në Danimarkë, ndërsa në të kaluarën ka luajtur edhe me Partizanin.
Urimet për Ramadanin nuk kanë munguar as nga klubi i kuqe që në faqen zyrtare i ka uruar ditëlindjen, ndërsa edhe vet lojtari i ka kthyer përgjigje Partizanit. Ramadani nuk e harron ish klubin e tij dhe në postim shkruan se të kuqtë do të ngelen gjithmonë në zemrën e tij dhe e ka cilësuar si familjen e tij.
“Faleminderit shumë familja ime, gjithmonë në zemrën time”, shkruan Ramadani në postimin e tij.
