Andi Jako, banues në Korçë arrestohet në Gjermani si rezultat i bashkëpunimit të Interpol Tirana me Interpol Weisbaden.
Burime policore bëjnë me dije se ky shtetas ishte shpallur në kërkim ndërkombëtar, pasi Gjykata e Shkallës së Parë Korçë, e ka dënuar me 12 vite burg, për veprën penale “Mashtrimi me pasojë të rëndë”, kryer më shumë se një herë.
Pas arrestimit ai është ekstraduar drejt vendit tonë, duke iu dorëzuar Drejtorisë së Përgjithshme të Burgjeve.
