Kryetari i Partisë Demokratike, Lulzim Basha pubikon rezultatet një raporti të Europol, sipas të cilit Shqipëria mbetet një burim kryesor i trafikimit të kanabisit në Bashkimin Evropian, dhe kërcënim për ekonominë dhe shoqërinë e Evropës.
Përmes një postimi në Instagram, Basha shprehet se, edhe pse e ka quajtur një histori suksesi betejën kundër drogës, raporti më i fundit i policisë europiane e hedh poshtë. Kreu i opozitës shprehet se Rama ka dështuar në luftën kundër drogës.
Sipas Europolit, 40 për qind e rrjeteve kriminale aktive në BE merren me tregtimin e lëndëve narkotike.
Produkti ilegal më i përhapur mbetet kanabisi, që në rastin e Shqipërisë transportohet kryesisht me rrugë detare drejt Italisë.
60 për qind e krimit të organizuar e kryen aktivitetin duke përdorur dhunën dhe po aq, korrupsionin, ryshfetin e thjeshtë deri te skemat e sofistikuara miliona-dollarëshe.
Catherine De Bolle, drejtueses së Europolit, tha se raporti i vitit 2021 tregon se të dy këta indikatorë po vijnë duke u përkeqësuar.
