Një person është vrarë me thikë në Gjirokastër, këtë të Hënë.
Viktima është Ilir Ruço, 60 vjeç, ndërsa autori Afrim Nazifi, 57 vjeç, të dy banues në Gjirokastër.
Ngjarja ndodhi rreth orës 13:10, në lagjen “Pazari i Vjetër”. Sipas burimeve zyrtare nga policia lokale, pas një konflikti të çastit, Afrim Nazifi ka goditur me mjet të mprehtë Ilir Ruçon, i cili u transportua për në Spitalin Rajonal.
Në njoftimin paraprak lidhur me ngjarjen, Policia tha se 60-vjeçari ndodhej jashtë rrezikut për jetën pas transportimit në spital. Por, më pas bluzat e bardha konfirmuan vdekjen e tij.
Në vendngjarje shkuan shërbimet e Policisë të cilët ndaluan autorin.
Një hetim ka nisur lidhur me rastin.
