Fatmir Mediu, kreu republikan, i cili është kandidati me numrin 7 i “Aleancës për Ndryshim” në Qarkun e Tiranës, zhvilloi disa takime me banorë të zonës së Levanit të Fierit.
Ai i kërkoi banorëve të kësaj zone mbështetjen për kandidatin e koalicionin “PD-AN”, Ferdinand Çobo.
Mediu gjatë takimeve të tij, theksoi “ne jemi të gjithë shqiptarë, pa dallim dhe gjëja më e mirë që mund të bëjmë është që të duam dhe të respektojmë njëri-tjetrin. Ne jemi të gjithë prindër, kemi fëmijë, por po ashtu shikojmë në sy njëri-tjetrin dhe bëjmë një pyetje: A është kjo Shqipëria që duam ne?”
Ai tha se zgjedhjet e 25 Prillit më shumë se partitë politike, të shikoni interesat tuaja.
“Vetëm, sëbashku me një qëllim dhe një vendim që në datën 25 Prill, ditën me rëndësi kombëtare, ti japim fund një qeverisje të korruptuar e cila ka zënë rrugën tonë për të ardhmen e fëmijëve tanë, familjeve tona, të Levanit, të Fierit dhe mbarë Shqipërisë.
Ne nuk mund të lëmë as jetën, as lirinë tonë, as të ardhmen tonë peng të një regjimi të korruptuar, të drejtuar nga Edi Rama, të një njeriu që për 8 vjet vetëm u tall me shqiptarët, të një njeriu që për 8 vjet mashtroi shqiptarët, të njeriut që për 8 vjet inkriminoi Shqipërinë dhe e ktheu në qendrën e trafikut të drogës, dhe po kz njeri mbas 8 vjetësh kërkon një mandat të tretë, se ma ka ndërprerë mandatin tërmeti, thotë, , pastaj ma ka ndërprerë pandemia thotë. Pandemi më të rëndë se regjimi i korruptuar dhe i inkriminuar i Edi Ramës, Shqipëria as ka parë dhe as nuk do të shohë ndonjëherë.
Prandaj është shumë e rëndësishme që në 25 Prill ti japim fund kësaj pandemie të krimit dhe shkatërrimit ekonomik. Unë mendoj që Aleanca për Ndryshim, Partia Demokratike, të gjithë ne, kemi në thelb një program që lidhet me rolin tonë si qytetarë, si njerëz në radhë të parë, për të garantuar nëpërmjet punës dinjitetin tonë, për të garantuar nëpërmjet punës të ardhmen tonë, në familje dhe në shoqëri”, tha ai.
