Me mijëra të rinj emigruan gjatë qeverisjes së tij, Rama hap thesin e premtimeve

Kryeministri Edi Rama, gjatë një takimi me disa të rinj në Tiranë, vlerësoi rëndësinë e teknologjisë së informacionit.

Rama ka vijuar fushatën me të rinjtë duke premtuar projekte, por ndërkohë nuk jep llogari sepse me mijëra të rinj, janë larguar gjatë qeverisjes së tij nga vendi për shkak se kanë humbur shpresën dhe nuk kishin asnjë të ardhme.

Rama tha veç se do t’i japin rëndësi të veçantë programeve të kodimit që sjell edhe pagesa të larta për të rinjtë. Sipas kryeministrit, pas Korçës, do të synojë të hapin edhe gjashtë qendra të tjera në vend.

“Tu japim mundësi të rinjve që të futen në rrjetin e kodimit. Siç është në Korçë, ne duam që të kemi në qendrat urbane duke filluar në gjashtë qendra dhe me pas të shtrihemi hap pas hapi. Duke i dhënë mundësi të reja financiare start up-eve që të sigurohet një kapacitet financues i çdo hapi të ri.

Ne kemi sot nevojë të hymë shumë seriozisht në konsolidimin e një fashë të ndërmjetme midis arsimit profesional dhe studimeve të larta, duke i dhënë mundësi të rinjve që mbarojnë gjimnazin që të specializohen në këto kolegje. Janë marrja e një dije specifike për të hyrë në një rrugë specifike.

Të mos u japim të rinjve vetëm një mundësi. Është një fashë e paplotë edhe për tregun e punës. Nuk duhet thjeshtë një elektricist,por një specialist i lartë. Këtu është sfida,” tha Rama.

LEXO EDHE  Yuri Kim në selinë e PD, takohet me Bashën

Kreu i Qeverisë u ndal më tej tek reforma e arsimit të lartë, që sipas tij do të shtojnë programet e universiteteve të huaja tek universitetet e vendit. Sipas Ramës brenda një dekade do ta kthejnë Shqipërinë në kampione të Ballkanit në turizë, agro turizëm, IT, eksporte bujqësore dhe në energji.

“Me reformën e arsimit të lartë kemi hedhur një hap shumë të madh. Të shtojmë programet për të arritur të financojmë universitetin. Ne na duhet dhe kemi vendosur një tjetër pikë, një financim 10 milion euro për ti nxitur universitetet që të krijojnë sinergji reale me universitetet e huaja. Programe të caktuara të jenë programe të një universiteti të huaj. S’ke nevojë të ikësh jashtë, por e merre këtu. Kjo sjell efektin zinxhirë.

Janina para 20 vitesh ishte një vend i bukur por një provincë e humbur. Sot Janina është një bum i madh nga të gjitha anët për shkak të universitetit. Ne do ta sjellim universitetit teknik të Stambollit. Do të jetë këtu si filial, por po flas edhe për integrimin e universiteteve tona me të huajat.

Mendoj se ne kemi shansin dhe na takon ne ta realizojmë që brenda kësaj dekade ta bëjmë Shqipërinë kampione të Ballkanit në turizë, agro turizëm, IT, eksporte bujqësore dhe në energji padiskutim,” deklaroi Rama.