Rreth 200 kg kokainë janë sekuestruar në Portin e Durrësit. Bëhet me dije se origjina e lëndës narkotike është nga Ekuadori.
Nga raportimet mësohet se droga është zbuluar brenda një kontenieri, i cili vinte tranzit nga Turqia pºr në portin e Durrësit.
Bëhet me dije se kjo është sasia e peshuar deri më tani, por dyshohet se mund të ketë një sasi më të madhe se 200 kilogramë lënde narkotike e llojit kokainë.
Mësohet se kontejneri u përket disa personave nga Tirana, emrat e të cilëve nuk bëhen të ditur.
Kontejneri që vinte nga Ekuadori ishte i mbushur me banane që përdorej nga kompania Massabi Fruits me qendër në Kombinat Tiranë.
Kujtojmë se vetëm pak ditë më parë në Durrës, u kap një sasi tjetër prej 49 kg kokainë e fshehur në pjesën anësore të një kontejneri me banane. Për këtë u arrestua Selim Cekaj, babai i Arbër Cekajt edhe ky i arrestuar për një sasi të madhe kokainë të kapur në vitin 2018.