Policia njoftoi sot arrestimin e një shtetasi, i cili u kap me një shumë parash në automjetin e tij dhe me një fletë të ngjashme me atë që do përdoret nga votuesit në zgjedhjet e 25 prillit.
“Nga shërbimet e Komisariatit të Policisë Pukë u arrestua në flagrancë shtetasi Vasil Shabani pasi nga kontrolli i ushtruar në mjetin e tij tip Nisan u gjetën një shumë prej 528.000 Lekë (te rinj) dhe një fletë e ngjashme me fleten e votimit.
Gjithashtu në vijim të veprimeve hetimore u procedua në gjendje të lirë Kryetari provizor i Subjektit Politik LSI për Bashkinë Pukë, shtetasi Demir Syla, pasi këtij shtetasi gjatë kontrollit të ushtruar ne ambjentet e biznesit se tij, Policia gjeti një fletë te ngjashme me fleten e votimit si dhe një listë me emra me numrat e ID të personave të shenuar”, njoftoi policia.
Prej kohësh në media njoftohen rastet kur nga zyrtarë të Rilindjes po ushtrohen presione apo afrohen favore ndaj qytetarëve në shkëmbim të votës, por nga policia nuk është ndërhyrë. Ndoshta edhe në raste të tilla, policia mund të zbatojë ligjin, para të cilit thuhet se të gjithë janë të barabartë.
