“Mos hajdeni në punë, evidentoni votuesit gri”, Paloka: Pse nuk arrestohet Arben Isaku

Pak ditë më parë mediat publikuan mesazhin që Arben Isaku, ish-Drejtor i ALUIZNI-t në Durrës, i dërgonte punonjësve të administratës që të evidentonin votuesit gri, ashtu sikundër konsiderohen të pavendosurit. Madje Isaku shkruan në mesazhin e tij se nuk është e nevojshme të paraqiten në punë, por të evidentojnë pikërisht këta votues, sipas qendrave të votimit që mbulojnë. Mesazhi është një skandal, por duket se nga policia dhe prokuroria nuk ka asnjë veprim konkret apo hetim.

LEXO EDHE  Emri/ I dënuar me 2.6 vite burg, arrestohet 35-vjeçari

Drejtuesi Politik i PD për Qarkun e Durrësit, Edi Paloka, përmes një postimi në rrjet, kërkon arrestimin e Isakut.

“Kur do e arrestojë Prokuroria këtë dhe të tjerët si ky që vazhdojnë të shkelin hapur ligjin dhe Kodin?

Arben Isaku, ish-drejtor i Aluiznit Durrës, i arrestuar një herë për shpërdorim detyre, sot koordinator i PS në Durrës!”, shkruan Paloka, duke publikuar mesazhin e mëposhtëm.