Eraldo Çinari është një nga lojtarët më të mirë të Partizanit. Potenciali i sulmuesit 24 vjeçar nuk ka mbetur pa u vënë re nga ekipe të mëdha, të cilat duan shërbimet e tij.
Sipas shtypit të shkruar, 2 skuadra turke kanë shfaqur interesim për shkodranin dhe janë të gatshme të hyjnë në tratativa. Bëhet fjalë për Antalyaspor dhe Konyaspor, gjigandët turq.
Me interes të madh pritet të shikojmë sesi do shkojnë gjërat, me Çinarin që është gati për hapin e karrierës. Vlen të theksojmë se në 12 ndeshje ka shënuar 4 gola dhe ka dhuruar 2 assiste.Sulmuesi ka dalë nga Akademia e Vllaznisë, por gjithashtu ka luajtur edhe për ekipin e parë të shkodranëve.
Vera do jetë e nxehtë, me lojtarin e Partizanit që mund të kalojë në Turqi. Fokusi aktual është te mbyllja e edicionit futbollistik me kryeqytetasit, për të vendosur më pas pikat mbi “i” për të ardhmen.
