Roma mori një fitore shumë të rëndësishme ditën e djeshme, teksa mposhti me përmbysje Ajaksin në transfertë, në ndeshjen e parë për çerekfinalen në Ligën e Europë.
Megjithatë përveç rezultatit, një episod i ndodhur në fundin e ndeshjes ka tërhequr vëmendjen e të gjithëve.
Në minutat e fundit, lojtarët e Romës po përpiqeshin të vononin lojën sa më shumë, për të marrë fitoren. Këtë u përpoq të bënte edhe talenti verdhekuq, Kalafiori, por nuk i doli mirë.
Gjatë ekzekutimit të rivënies anësore, Kalafiori po ecte me avash për të marrë topin, teksa sheh një tjetër top që i përplaset në trup.
Kapësi i topave në stadiumit e Ajaksit, aspak i lumtur për vonesën, ia përplas topin Kalafiorit, për t’i treguar se duhet të luajnë më shpejt.
https://twitter.com/GalvaniM/status/1380266971007234048?ref_src=twsrc%5Etfw%7Ctwcamp%5Etweetembed%7Ctwterm%5E1380266971007234048%7Ctwgr%5E%7Ctwcon%5Es1_&ref_url=http%3A%2F%2Fwww.panorama.com.al%2Fsport%2Fvideo-tentoi-te-vononte-lojen-futbollisti-i-romes-e-peson-nga-kapesi-i-topave-goditet-me%2F
