Zbardhet dëshmia e kontrollores Flora Ndreca, e cila u arrestua sapo përfundoi një prej emisioneve televizive, ku ishte ftuar dy ditë më parë, ndërsa po jepte pretendimet e saj dhe të kontrollorëve të tjerë, lidhur me atë që u konsiderua nga Rilindja si “grusht shteti”.
“Jam kontrollore e trafikut ajror që prej vitit 2002. Në datën 6 Prill kam marrë si zakonisht detyrën, për të punuar duhet të jem fizikisht dhe mendërisht në rregull. Në datën 6 pasi nuk isha mirë, tërhoqa formularin por nuk e kam dorëzuar. Në deklaratë kam kërkuar 3-4 ditë rikuperim, më pas formularin e kam dorëzuar të supervizori im”, mësohet të jetë shprehur Ndreca para policisë.
Ndreca u shoqërua menjëherë pas intervistës së saj në emisionin Opinion, ndërsa më pas i është prerë dhe fleta e arrestit, së bashku me dy kontrollotë të tjerë.
Ndreca ka dhe një fëmijë të mitur, ç’ka mund ta lehtësojë situatën e saj, dhe të kërkojë një masë më të lehtë sigurie, ndërsa vendimi pritet që të jepet nesër.
