Suedia paraqiti sot një projektligj që ka si qëllim ashpërsimin e rregullave të saj të emigracionit të përhershëm, duke bërë të përhershme rregulla të caktuara më parë të përkohshme, të vendosura për të kufizuar pritjen e refugjatëve pas krizës së emigracionit 2015.
Projektligji i paraqitur nga qeveria socialdemokrate, aleate me të Gjelbrit, pritet të zëvendësojë legjislacionin aktual të përkohshëm, në fuqi që nga viti 2016 dhe i zgjatur deri në 2019 për mungesë të konsensusit politik për një ligj të qëndrueshëm.
Sipas planit, refugjatëve do t’u jepen leje trevjeçare qëndrimi, që do të konvertohen në të drejtë qëndrimi të përhershëm vetëm nëse plotësohen kërkesa të tilla, si njohja e suedishtes ose të ardhura të mjaftueshme.
Ministri i Drejtësisë dhe Migracionit, Morgan Johansson mbrojti një plan që “garanton një kornizë rregullatore të qëndrueshme afatgjatë”, ndërsa siguron që parimi i lejeve të qëndrimit me kohë të kufizuar të mos ketë “efektet joproporcionale”.
“Këto rregulla themelore janë në përputhje me ato të shumicës së vendeve të tjera të BE-së”, tha ai në një konferencë shtypi.
Në lidhje me popullsinë e saj, Suedia ishte vendi i Bashkimin Europian që priti më shumë refugjatë në 2015, me më shumë se 160 000 të mbërritur, përfshirë shumë sirianë.
Në një dekadë, vendi me 10,3 milionë banorë ka dhënë azil dhe ribashkim familjar për më shumë se 400 000 persona, sipas zyrtarëve të emigracionit.
Ligji i ri pritet të hyjë në fuqi në korrik 2021.//ATSH
