Në gjykatën e krimeve të rënda Old Baily të Londrës ka nisur procesi gjyqësor ndaj disa shqiptarëve, të cilët akuzohen si autorë të vrasjes së Grineo Dakas, ngjarje e ndodhur në 7 Korrik 2019.
Ekzekutimi ndodhi në një bilardo në zonën Leyton në Lindje të Londrës ku jeton një komunitet i madh shqiptarësh.
Në ditën e parë të procesit gjyqësor, prokurorja tha se personi i cili çoi armën ishte Liridon Saliuka, i cili duhet të ishte në bankën e të akuzuarve, por ai ndërroi jetë në burg në Janar 2020.
“Liridon Saliuka ishte ai që solli në bilardo pistoletën duke ia dhënë Jeton Krasniqit i cili kreu ekzekutimin”, tha prokurorja.
Prokurorja Wilding i tha gjykatës se Krasniqi mbërriti në bilardo dhe mbante në duar doreza. Pasi ka ekzekutuar Dakën, Krasniqi e hodhi armën e krimit në një oborr të një shtëpie pak metra më larg bilardos e mandej hoqi dorezat.
Një tjetër shqiptar në bankën e të akuzuarve Edison Brahimi shërbeu për të larguar nga vendngjarja Krasniqin i cili e mohon akuzën për vrasje.
Ndërsa Edison Brahimi mohon akuzën për mos kallëzim krimi. Prokurorja Wilding në seancat e tjera do të tregojë motivin e zbuluar nga policia për këtë vrasje.
