Taylor Swift ka publikuar së fundmi këngën “Mr. Perfectly Fine”, që flet për ndarje dhe është shkruar në vitin 2008. Në kohën kur është shkruar kënga, Taylor ka qenë në një lidhje me Joe Jonas, ndaj të gjithë e përkthyen si një dedikim për ish-in.
Bashkëshortja e Joe, Sophie Turner, ka treguar se e pëlqen shumë këngën dhe siç duket asaj nuk i inetereson fare historia për të cilën flet kënga. Ajo ka ndarë këngën e Taylor në Instagram dhe ka treguar se është fiksuar pas saj.
Postimin e saj e ndau edhe Taylor në Instagram, e cila shkroi: “Përgjithmonë e ulur në gjunjë para Mbretëreshës së Veriut”, duke ju referuar një pseudonimi për rolin e saj në “Game of Thrones”, Sansa Stark.
