Kryeministri Edi Rama humbi durimin në fund të emisionit Log. në Abc, ndërsa tha se do të largohej nga studio pasi nuk mund të duronte edhe një tjetër spot reklamash.
“Keni mësuar nga Fevziu ju, më ftoni në emision dhe bëni spote reklamash. Sa është ora? Erdha në orën 21:00, ora tani 23:20, nuk pres më, nuk duroj edhe një tjetër spot reklamash. Më bëni pyetjet e fundit”, iu drejtua Rama, drejtuesit të emisionit Endri Xhafo.
I pyetur lidhur me mandatet që synon PS në zgjedhjet e 25 prillit, Rama tha se është mes 74 dhe 78 mandatesh.
“Nuk kam pasur 2 mandate të plota qeverisëse, pasi dy vitet e fundit u përballëm me tërmetin dhe pandeminë, ndaj na duhet mandati i 3-të”, tha Rama.
Ai tha se nuk pranon më asnjë pyetje dhe kërkoi që të largohej nga studio.
