Cheslea kërkon të përforcojë repartin e prapavijës dhe në merkaton e verës pritet të bëjë një goditje të bujshme. Mediat në Angli raportojnë se objektivi kryesor i bluve është Nikola Milenkovic.
Mbrojtësi serb pëlqehet shumë nga trajneri Tuchel, por edhe nga drejtuesit, që e shohin edhe si një objektiv shumë të arritshëm. Milenkovic nuk ka rinovuar me Fiorentinën dhe i ka ngelur vetëm 1 vit kontratë me vjollcët, që do të jenë të detyruar ta shesin në verë.
Kartoni i Milenkovic vlerësohet rreth 30 milionë euro, shifër që Chelsea e ka bërë gati për t’ia ofruar Fiorentinës. Tashmë, mbetet për t’u parë në rast se palët do të gjejnë një marrëveshje, në mënyrë që mbrojtësi të kalojë në Londër.
