Dy persona janë arrestuar në Korçë lidhur me një vrasje të ndodhur në Selanik të Greqisë më herët gjatë këtij viti.
Burime zyrtare nga policia lokalë bënë me dije se në pranga janë vënë Orgel Xhambazi, 24 vjeç dhe Medi Ganolli, 32 vjeç, banues në Korçë, të dy të dënuar më parë për vjedhje.
Ata akuzoht se kanë vrarë me thikë 43-vjeçarin Spartak Dervishi.
Vrasja
Hetimet për rastin u zhvilluan prej disa muajsh nga policia e Korçës dhe prokuroria lokale.
Policia njoftoi se krimi ndodhi më 18 Maj, në Selanik, ku pas një konflikti të çastit mbeti i vrarë 43-vjeçari Dervishi, nga Korça.
Të arrestuarit akuzohen se në bashkëpunim mes tyre, pas një konflikti të çastit, kanë vrarë me thikë 43-vjeçarin.
Gjykata e Rrethit Gjyqësor Korçë ka caktuar ndaj Xhambazit e Ganollit masën e sigurisë “Arrest në burg” për veprën penale “Vrasja me dashje” kryer në bashkëpunim. Masa që u ekzekutuan nga policia.
Hetimet e mëtejshme lidhur me rastin po zhvillohen nga prokuroria e Korçës.
