Partizani kthehet të luajë në kryeqytet, sfida ndaj Bylisit luhet në “Air Albania”

Partizani nuk arriti të fitojë as në ndeshjen e fundit me Vllazninë, në Superiore, duke regjistruar barazimin e dytë radhazi në Kategorinë Superiore dhe mos i dhënë mundësinë vetes të marrë kryesimin e renditjes.

Pas ndeshjeve me Teutën e Vllazninë, ulet vështirësia për skuadrën e Ilir Dajës. Të dielën të kuqtë përballen me Bylisin si pritës. Fillimisht kjo ndeshje ishte planifikuar të luhej në “Elbasan Arena”, aty ku Partizani ka luajtur gjithë ndeshjet si pritës.

LEXO EDHE  “Nuk heqim dorë nga Super League”, Gjykata e Madrid vendos pro klubeve “rebele”

Por në ndeshjen me Bylisin të kuqtë do kthehen të luajnë si pritës në kryeqytet. Është vendosur që sfida të luhet në “Air Albania”. Fusha aktuale e impiantit më modern në vend është rikuperuar së fundmi dhe FSHF nuk po e kursen prej faktit se aty do vendoset një tjetër tapet hibrid së shpejti.