Ashtu si ministrja e Transporteve, Belinda Balluku edhe kryeministri Edi Rama ka hedhur akuza ndaj ish-kryeministrit Sali Berisha dhe Presidentit Ilir Meta për ndërprerjen e punës nga ana e kontrollorëve në Rinas.
Në një postim në Twitter, Rama shprehet se “organizatorët do të kallzohen penalisht dhe do të përballen me ligjin, që ndalon rreptësisht ndërprerjen e aktivitetit të kullës nga ana e kontrollorëve! Të tjerët duhet të vendosin menjëherë: O me shtetin në punë o me antishtetin në një proces penal për cënim të sigurisë kombëtare”.
“Sabotimi i rëndë i aktivitetit të Aeroportit ‘Nënë Tereza’ nuk do të tolerohet! Frymëzuesit e kësaj lëvizjeje të çartur çartiste, Saliu që gjuan me gurë digjitalë dhe Iliri, që hedh gurin e markës ‘Leshko’ dhe fsheh dorën, duan mbylljen e aeroportit për të mos ardhur vaksinat”, shton ai.
