Kreu i Agjencisë Europiane të Barnave ka deklaruar se ka një lidhje mes vaksinës së Oksfordit AstraZeneca dhe trombozës në tru.
Në një intervistë për gazetën italiane “Il Messaggero”, Marco Cavaleri tha: “Tani mund të themi që është e qartë se ka një lidhje me vaksinën”, duke iu referuar rasteve të trombozave.
Megjithatë ai shton se është ende e paqartë arsyeja përse vaksina anti-Covid mund të shkaktojë mpiksje të gjakut.
“Megjithatë, shkaqet për një reaksion të tillë, nuk i dimë ende”, shtoi ai. Cavaleri theksoi se agjencia do të dalë me një qëndrim zyrtar në lidhje me këtë çështje.
Komiteti i Sigurisë së EMA-s pritet që të mblidhet këtë javë për të diskutuar lidhur me evidencat e fundit të trombozave, duke dhënë një lajmërim më të përditësuar.
