Briken Calja ka fituar medaljen e argjendtë në stilin e shtytjes, në Kampionatin Europian të Peshëngritjes, turne që po zhvillohet në Moskë të Rusisë. Përveç kësaj, shtangisti kuqezi fiton edhe medaljen e bronztë në dygarësh, në peshën 73kg.
Calja e nis jo mirë garën në stilin e shtytjes, duke dështuar të ngrejë 183kg, por më pas arrin të realizojë me sukses provën e dytë, ku ngre 184kg. Në provën e tretë tenton 188kg, por pa sukses, duke e mbyllur garën në këtë stil në vendin e dytë dhe siguroi medaljen e argjendtë.
Në total, në dygarësh, Calja ngriti 336kg, duke marrë medaljen e bronztë, duke varur kështu në qafë dy medalje në këtë Europian dhe konfirmoi se është në formë të shkëlqyer para Olimpiadës.
Më herët, në stilin e shkëputjes, Calja u klasifikua i katërti, duke ngritur 152kg vetëm në provën e parë dhe dështoi në dy provat e tjera me 157kg.
