Policia e Kosovës ka arrestuar mbrëmjen e djeshme Dibran Hoxhën i njohur si “King Kobra”. Dy persona janë rrahur me njëri-tjetrin në qendrën tregtare “Abi Qarshia”, ku një prej tyre ka pësuar lëndime trupore.
Lajmin e ka konfirmuar zëdhënësi i Policisë se Prizrenit, Shaban Osmanollaj, ku njërit nga të dyshuarit në rrahje i është ofruar ndihmë mjekësore në emergjencë pranë spitalit rajonal të Prizrenit.
“Rreth orës 21:35 min. informohet se në një lokal në një qendër tregtare ka ndodhur një rast rrahje. Patrulla policore si dhe njësitë e tjera i janë përgjigjur rastit ku kanë ndaluar dhe arrestuar dy të dyshuar. Dyshohet se për shkak të një mosmarrëveshje të mëparshme mes tyre, një i dyshuar ka kanosur të dyshuarin tjetër dhe më pas dalin nga lokali dhe u goditën, ku njeri nga ta pësoi lëndime trupore. Të dyshuarit e përfshirë në sherr i është ofruar ndihmë mjekësore pranë spitalit rajonal në Prizren, ku sipas raportit mjekësor ka lëndime të rënda trupore. Në lidhje me ketë rast është njoftuar prokurori i shtetit i cili ka rekomanduar që dy të dyshuarit të ndalohen. Rasti është nën hetim.”
