Kandidati i dytë pë president që u propozua nga lëvizja “Guxo”, Nasuf Bejta ka përshëndetur presidenten e re Vjosa Osmani.
Duke i uruar fitoren, Bejta shprehet se të humbësh garën me një kandidate si Vjosa Osmani nuk quhet humbje, por fitore e të gjithëve.
Deklarata
Urime presidente, urime Kosovë!
Të humbësh garën nga një kandidate siç është zonja Vjosa Osmani, për mua nuk mund të konsiderohet humbje. Kjo është fitore e të gjithë neve.
Ishte nder që i shërbeva interesit shtetëror dhe në këtë mënyrë, u përmbyll vullneti i qytetarëve i shprehur me 14 shkurt.
Ky vullnet konsiston me faktin që vendi duhej të bëhej me president.
Jam i bindur që zonja Osmani do ta përfaqësoj dinjitetshëm shtetin tonë.
