Bylisi barazoi ditën sotme ndaj Kastriotit, ku ballshiotëve iu anulua edhe një tjetër gol, për pozicion jashtë loje. Pikërisht me këtë është kapur edhe trajneri i ballshiotëve, Veljko Dovedan, i cili pas ndeshjes për “Gol pas Goli” tha se gabimi i arbitrit ishte tendencioz.
“Ne bëmë shumë në këtë ndeshje. Mund ta shikoni nëse goli ishte i rregullt?! Atëherë pse më thoni mua të dal këtu?! Nuk e dimë për të ardhmen. Ndeshjet janë shumë të forta. Nuk dihet ende se kush do e fitojë kampionati dhe kush bie. Arbtiri e anuloi golin me tendencë.
Të vijnë arbitrat këtu dhe të na thonë pse bëhen këto gabime. Apoloninë e presim brenda, ndërsa me Skënderbeun luajmë jashtë, por jemi shkëputur. Me këto lloj arbitrash nuk i dihet se çfarë ndodh deri në fund. Imagjino ka kamera dhe i bëjnë këto gabime, po të mos kishte?! Mendoj se stadiumi i Bylisit e ka mundësinë për VAR. (qesh) Di pesë gjuhë të huaja.”, tha Dovedan.