Vllaznia barazoi 0-0 kundër Partizanit në kuadër të javës së 26-të të Superiores. Pas takimit ka folur trajneri Thomas Brdariç i cili u shpreh i kënaqur me atë që skuadra shkodrane dha në fushë.
Vllaznia pati rastet e veta, mirëpo në fund të dy skuadrat ndanë pikët. Në fjalën e tij pas takimit, Brdariç tha:
“Kemi hyrë në lojë për të fituar. Në pjesën e parë Partizani kishte më shumë hapësirë. Ndërsa në pjesën e dytë ishim më të favorizuar dhe arritëm të hynim në lojën tonë. Ne besojmë gjithmonë te lojtarët tonë. Të luash kundër Partizanit është e vështirë. Patëm disa raste, por jo gjithmonë ato shfrytëzohen. Megjithatë duhet të shohim përpara.
Barazimi? Nuk jam dakord që Partizani ishte më mirë në pjesën e parë. Në pjesën e parë kishin në favor erën. Pjesa e dytë ishte e balancuar, patën dhe ata rastet e veta.
Gurishta? Sigurisht që Gurishta është i mirë. Nuk dua të flas për lojtarët që nuk ishin në fushë. Dua të flas vetëm për ata që ishin aty”, tha trajneri i Vllaznisë.
