Kryeministri Edi Rama ka vijuar fushatën elektorale në qarkun e Beratit, atje ku ka vënë si kandidat edhe Nasip Naçon, ish-ministrin dhe ish-deputetin e LSI-së, parti për të cilën kreu socialist ka si objektiv shkrirjen.
Ashtu si edhe në takimet e mëparshme, Rama e ka përqëndruar fjalën e tij te batutat, ndërsa u shpreh se mandati i 3-të i duhet për të vijuar reformat.
“Është e domosdoshme që ne të kemi mandatin e tretë për të thelluar reformat që gjithë sistemi ynë të funksionojë. Është akoma në një situatë ku e gjitha und të kthehet mbrosh. Në mandatin e tretë gjërat do të bëhen të pakthyeshme”, tha Rama.
Kryeministri nuk ka hezituar të shkëmbejë edhe batuta në tavolinë, ndërsa kërkonte një gotë raki.
“Gëzuar, s’po bëj dot këtu se këtyre skraparllinjve u ka humbur themeli i traditës, ku e kemi rakinë o Nasip. Na jepni sa për të bërë gëzuar. Ia vure fajin gardës tani, ke hall se do të dalë Saliu dhe të thotë Garda mban raki me vet. Edhe po të pijmë ujë o Nasip, do na akuzojmë që po kthehemi te ato dollitë e së shkuarës,” tha Rama.
