Një video rrëqethëse e publikuar në internet shfaq momentin kur një punonjës në një fabrikë për prodhimin e metalit në Kinë, kryen vetëvrasje duke u hedhur në furrën për shkrirjen e metalit pasi kishte humbur 9 mijë dollarë në tregun e bursave.
Wang Long, 34-vjeç, punonjës në fabrikën e kompanisë Baogang Group në Baotou, shihet se si heq helmetën dhe dorezat, duke i hedhur në tokë dhe pa u menduar dy herë hidhet në furrën ku po shkrihej metali.
“Ai thjesht zhduket menjëherë”, ka thënë një punonjës tjetër që ka pasur qasje në pamjet e kamerave të sigurisë.
Në anën tjetër zyrtarë të kompanisë ku ai punonte, kanë thënë se Ëang ishte zhdukur gjatë 24 marsit derisa ishte në ndërrimin e natës, duke nxitur një operacion të gjerë të kërkim-shpëtimit.
“Na vjen shumë keq për vdekjen e tij. Bashkëndjejmë dhimbje me familjarët e të ndjerit”, thuhet në kumtesën e kompanisë kineze.
E policia e ka cilësuar vdekjen e Ëangut si vetëvrasje. Bashkëpunëtorët e të ndjerit kanë thënë se ai kishte humbur një shumë të parave në bursë.
Madje sipas policisë, besohet se ai ia mori vetes jetën pasi kishte borxh një shumë të majme të parave – mbi 60 mijë yuan apo rreth 9.130 dollarë.
