Pas ndeshjeve të Kombëtareve, rikthehet Kategoria Superiore. Në fundjavë do të luhen 5 ndeshjet e javës së 26-të të ndara në dy ditë.
Ditën e shtunë, do të zhvillohen dy supersfidat, Vllaznia-Partizani dhe Teuta-Laçi. Që të dyja takimet do të luhen më drita në orën 16:00. Të dielën do të luhen 3 ndeshjet e tjera me Tiranën që pret në “Selman Stermasi Apoloninë.
Një ndeshje e lehtë për bardheblutë në letër që kanë mundësi të afrohen edhe më shumë me kreun. Sfidë mbijetesë në Ballsh, me Bylis vendas që do të presë Kastriotin.
Takimi tjetër do të jetë, Kukësi-Skënderbeu me verilindorët që do të kërkojnë të rikthehen te fitorja pas disa rezultateve jo të mira.
Kategoria Superiore, java 26:
E shtunë/ 3 prill 2021
Ora 16:00 – Vllaznia-Partizani
Ora 16:00 – Teuta-Laçi
E diel/ 4 prill 2021
Ora 13:00 – Tirana-Apolonia
Ora 13:00 – Bylisi-Kastrioti
Ora 16:00 – Kukësi-Skënderbeu
