Në 24 orët e fundit, Italia ka regjistruar 23,649 raste të reja me Covid-19 nga 356.085 teste të kryera. Po ashtu, autoritetet e shëndetit në vend bënë të ditur se si pasojë e sëmundjes e humbën jetën edhe 501 qytetarë të tjerë.
Që nga fillimi i pandemisë, vendi numëron 3,6 milionë të infektuar dhe 109,847 viktima nga Covid-19. Kurse, numri i të shëruarve është 20,712.
Kurse, pranimet ditore në reanimacion, sipas të dhënave nga Ministria e Shëndetësisë së vendit, janë 244 (283 dje). Në pavijonet e tjera Covid rezultojnë të shtruar 28,949 pacientë , me një rënie prej 231 njësish.
