Momente paniku në avionin e Utah Jazz që po transportonte skuadrën në Memphis. Një zhurmë e madhe i ka tmerruar të gjithë lojtarët, teksa avioni u përplas me një tufë të madhe zogjsh, që solli edhe shpërthimin e motorit të majtë. Kjo detyroi pilotin që të bëjë një ulje emergjente në “Salt Lake City”.
Fatmirësisht nuk pati asnjë dëmtuar nga kjo situatë. Këtë e konfirmoi edhe zëdhënësi për shtyp klubit: “Skuadra është kthyer shëndoshë e mirë në ‘Salt Lake City’”. Ndërkohë në foton e avionit dallohen qartë dëmtimet në pjesën e jashtme të kabinën së pilotit dhe në motor.
Në orët e para të mëngjesit të sotëm Utah ka ndeshjen e radhës për sezonin e rregullt në NBA, teksa luan në transfertë ndaj “Grizzlies”.
Ndërkohë pas uljes së detyruar në “Salt Lake City”, ylli i ekipit Donovan Mitchell ka reaguar në rrjetet sociale. Ai ka publikuar një “emoji” me duart që tregojnë shenjën e lutjes.
