Tenori Agim Hushi i quan të tmerrshme deklaratat e bëra nga kryeministri Edi Rama gjatë një vizite në një industri fason.
Kreu i qeverisë deklaroi se punëdhënësi duhet të marrë emigrantë bangladeshas, indianë apo pakistanezë për të zëvendësuar shqiptarët që nuk e pëlqejnë punën e që merren me llafe.
Në një reagim në rrjetet sociale, Hushi shprehet se, është e tmerrshme dhe e paimagjinueshme se si një njeri që duhet të ishte babai i kombit vjell vrer për punëtorët shqiptarë.
“Ata qe ndertuan pafundesine e pallateve, rrugeve, urave, qe i dhane jete projekteve te qeverise! Ata te palodhurit qe su ankuan kurre as nga keqpaguarja, nga kushtet e punes apo lodhja u shiten aq shpejt nga ai qe duhet ti mbronte me shume se askush dhe i quajti llafazane, njerez qe se duan punen dhe qe merren me thashetheme. Ngriti ne piedistal punetoret e Bangladeshit a thua se Shqiperia ka nevoje per nivelin me te ulet te fuqise punetore. Dhe shqiptaret nuk vlekan me ne atdheun e tyre”, shkruan Hushi.
“Kjo eshte padyshim fyerja me e madhe ne historine e shqiptareve qe i behet intelektit te tyre! Askush se ka patur kete guxim dhe arsyetim te cmendur me pare! Ndoshta mund ta kaperdijme dhe kete fyerje monstruoze deri me 25 Prill”, shton ai.
