Kryeinspektorja e Inspektoratit të Mbrojtjes së Territorit në Bashkinë Sarandë është nën hetim, pasi akuzohet se ka lejuar një ndërtim pa leje në qytein bregdetar.
Hetimet ndaj zyrtares nisën nga policia lokale, pas një kallëzimi të depozituar për të nga një qytetar.
Burime zyrtare nga policia lokale bënë me dije këtë të Enjte se specialistët për Hetimin e Krimeve në Komisariatin e Policisë Sarandë proceduan penalisht për veprën penale “Shpërdorimi i detyrës”, shtetasen R.P., 31 vjeçe, banues në Sarandë – me detyrë kryeinspektore e Inspektoratit të Mbrojtjes së Territorit në Bashkinë Sarandë.
Të njëjtat burime shtuan se, bërë kallëzim shtetasi A.Ll., i cili pretendon se kryeinspektorja ka lejuar të bëhet një ndërtim i paligjshëm në lagjen nr.1, Sarandë.
